OLD TRAFFORD
Southampton prish serinë e Man Utd
11 January, 2015 @18:40
Një shut i vetëm në portë dhe gol. Ky ka qenë epilogu i ekipit të Ronald Koeman, Southampton, në fitoren e madhe ndaj Manchester United sot në Old Trafford.
Serbi Dusan Tadic, që zëvendësoi Eljero Elian, doli të jetë potez fatal për Manchester Unitedin, pas lëvizjes që bëri Koeman.
Kjo ka qenë disfata e parë e Manchester Unitedit që nga 2 nëntori i vitit të kaluar në Premier League, pas dhjetë xhirove. Në anën tjetër, Louis Van Gaal, kishte lënë Radamel Falcaon jashtë ekipit, derisa ndërrimet në fund, nuk bën dallimin më tutje në ndeshje.
Me këtë fitore, Southampton kalon Manchester Unitedin në tabelë të klasifikimit duke dalë në pozitën e tretë të tabelës, menjëherë pas Chelsea e Manchester City - duke treguar edhe njëherë se jo befasisht gjenden në treshen kryesuese të Premier League.
FAKT:
| Southampton ka fituar në Old Trafford për herë të parë pas 27 viteve; |
