DERBI AUSTRALIAN
Spektakël shqip në Australi
7 February, 2014 @11:49
Në ndeshjen e zhvilluar sot ndërmjet Western Sydney Wanderers dhe Brisbane Roar kanë shkëlqyer dyshja shqiptare Labinot Haliti dhe Besart Berisha.
Në fakt Haliti i cili luan për ekipin nga Sydney, ka barazuar rezultatin 1-1 për të nxjerrë një pikë nga ndeshja ku lideri i ligës australiane Brisbane, kishte avancuar me anë të golit të Besart Berishës.
Berisha i kishte dhënë udhëheqje në fillim të takimit Brisbaneit, derisa Haliti ishte në bankë rezervë. Kut trajneri i Sydneyit, Tony Popovic, vendosi ta fuste Halitin në lojë kishin mbetur edhe 15 minuta deri në fund, të cilat prishtinasi 29 vjeçar i shfrytëzoi maksimalisht duke barazuar rezultatin dhe për t’ia siguruar një pikë vendasve.
Përveç derbit shqiptar, ndeshja e sotme ka qenë edhe derbi i ligës elite australiane pasi që Brisbane Roar gjendet në pozitën e parë, derisa Western Sydney Wanderers e ndjek atë.
Besart Berisha është lideri i golashënuesve në Australi me 8 gola të shënuara nga 17 ndeshje të zhvilluara deri më tani.
Video
Western Sydney Wanderers - Brisbane Roar
Goli i barazimit i shënuar nga Labinot Haliti (1-1)
Western Sydney Wanderers - Brisbane Roar
Goli i epërsisë i shënuar nga Besart Berisha (0-1)
