Spreji, ngrit numrin e golave

Pasi që u përdor në Kampionatin Botëror “Brazili 2014” spreji për përcaktimin e vijës së murit të gjallë gjatë gjuajtjeve të lira nisi përdorimin edhe në ligat e forta europiane. 

Bundesliga, që nisi përdorimin e këtij spreji nga xhiroja e tetë e këtij stinori ka bërë të ditur (në faqen zyrtare) se me këtë, ka shtuar përqindjen e golave të shënuara nga gjuajtjet e lira. 

Me 23 gola të shënuara nga gjuajtjet e lira për gjysmë stinori Bundesliga ka shënuar numrin më të madh të golave të shënuara në 17 vitet e fundit. 

Ndërsa në bazë të llogaritjes statistikore gjermanët kanë rënë në përfundim se në 7 xhirot e para, kur nuk u përdor spreji, përqindja e golave të shënuara nga gjuajtjet e lira këtë stinor ka qenë 0.9 për ndeshje. 

Ndërsa me fillimin e zbatimit të këtij rregulli, në ndeshjet e radhës përqindja e golave të shënuara nga gjuajtjet e lira është ngritur në 1.7 gola të shënuara për ndeshje nga kjo goditje.