JUVENTUS - INTER
Super Mario vendos derbin
7 December, 2018 @23:30
S’kanë të ndalur. Fitorja e 14 në 15 ndeshjet e stinorit në Serie A dhe Juventus tashmë zgjeron epërsinë në krye të klasifikimit.
Sonte, viktimë e bianconerëve ishte Inter, që nuk i bëri ballë makinerisë bardhezi nga Torino, kur Mario Mandzukic me kokë në fluturim shënoi për rezultatin e ndeshjes, 1-0 (66’).
Inter nuk ka fituar në stadium të Juventusit që nga viti 2012 dhe kjo statistikë do të vazhdojë të zgjerohet edhe për një vjet tjetër.
Mandzukic ka shënuar golin e shtatë të tij të stinorit sonte, të vlefshëm për tre pikë.
Juventus pas kësaj fitoreje ka 43 pikë, ndërsa Inter mbetet në 29, në vend të tretë të klasifikimit.
