FA
Suspendohet Diego Costa
22 September, 2015 @20:45
Federata Angleze e Futbollit (FA) ka suspenduar sulmuesin e Chelseat, Diego Costa, për tre ndeshjet e radhës, ka bërë të ditur pak më parë faqja zyrtare e Premier League.
Costa 26 vjeç, shtyu me duar për fytyre Laurent Koscielnyn e Arsenalit në fundjavën që shkoi, para se të grindet me Gabriel Paulistan, që u skuq nga referi Mike Dean.
FA disa orë më parë, hoqi dënimin e Gabriel Paulistas, duke e hedhur poshtë kartonin e kuq të Deanit.
Diego Costa ka shënuar 20 gola për Chelsean në Premier League stinorin që shkoi, derisa këtë stinor në 6 ndeshjet e para ka shënuar vetëm një herë në portat kundërshtare.
