Swansea në gjysmëfinale

Një autogol i lojtarit të Middlesbrough, Seb Hines, i cili devojoi goditjen e Garry Monk u ka hapur dyert e gjysmëfinales së Kupës së Ligës së Anglisë Swansea Cityt dhe kjo për herë të parë në histori të klubit.

Swansea City i themeluar në vitin 1912 ka bërë arritjen historike në Kupë të Ligës. Deri më tani në gjysmëfinale të kësaj gare, të cilës nuk i japin shumë rëndësi ekipet e mëdha, janë kualifikuar: Aston Villa, Bradford City dhe Swansea City. Gjysmëfinalisti tjetër do të bëhet i ditur pas duelit Leeds - Chelsea që luhet me 19 dhjetor.

Swansea është ekip ku ka luajtur kosovari Besian Idrizaj, i cili ndërroi jetë, ndërsa klubi ka pensionuar fanellën e tij me numër 40.

REZULTATI:

Swansea - Middlesbrough 1-0