TREGIM
Talenti prizrenas drejt Barcelonës
9 April, 2017 @9:23
I lindur në St Gallen të Zvicrës, nga Poslishti i Prizrenit, Ensar Hajdari, është ftuar për herë të dytë në testet e Akademisë së Barcelonës, ku edhe aktualisht gjendet.
Futbollisti i lindur më 1 maj 2007 që ndjek shkollimin në Rheineck të St Gallen, filloi hapat e para me top nga mosha 6 vjeçare, ku edhe trajerët e parë të tij ia vërejtën talentin natyral. Kjo bëri që ai prej St Gallen të kalojë në Basel.
Derisa vjen në pushime, në Prizen, në Kosovë, Ensari nuk ndalet së stërvituri. Ai i vazhdon ato te SHF Lidhja e Prizrenit nën përkujdesjen e Ismail Berishës, trajner.
Por tregimi i tij nuk ndalet këtu. Ensarit i erdh ftesa në tetor të vitit të kaluar nga Barcelona. Ai i kaloi testet 10 ditore te ekipi katalonas dhe të merr mirënjohje si qendërsulmues, ku luan ai.
Tash, ai ka ri-marrë ftesë nga Barcelona dhe aktualisht është atje. Ai u bë pjesë e Akademisë së Barcelonës. Talenti me origjinë prizrenas përveç kësaj ka marrë ftesë edhe në reprezentacinoin U11 të Zvicrës në futboll!
