AZERBAJXHANI - KOSOVA
Të nxehtë për fitore!
7 September, 2018 @12:08
Natë e madhe për futbollin kosovar!
Përfaqësuesja A e Kosovës në futboll sonte debuton në Ligën e Kombeve, në ndeshjen që do të luhet në Baku të Azerbajxhanit kundër shtetit vendas me fillim nga ora 18:00 sipas kohës tonë lokale.
LIGA E KOMBEVE - TABELAT DHE ORARI
Të drejtuar nga Bernard Challandes, djemtë e Kosovës kanë për synim kthimin në shtëpi me 3 pikë, për të qenë edhe më të motivuar për ndeshjen ndaj Ishujve Faroe, që zhvillohet pas 3 ditëve në shtëpinë e re, stadiumin “Fadil Vokrri” në Prishtinë.
Për t’u veçuar para ndeshjes është mungesa e Valon Berishës te Kosova, një nga lojtarët më të dalluar të përfaqësueses në ndeshjet e kaluara, mungesë e cila shpresojmë që do të mbulohet siç duhet nga të ftuarit e tjerë.
Në ndeshjen tjetër të grupit ku ndodhet Kosova, mes vete takohen Ishujt Faroe dhe Malta, sonte me fillim nga ora 20:45.
Të nxehtë për fitore, FORCA KOSOVA!
