Terim, po miqësores me Kosovën

Tashmë edhe Federata e Futbollit të Kosovës e ka zyrtarizuar njoftimin e dhënë më heret lidhur me aranzhimin e miqësores së radhës Kosova-Turqia. 

Në njoftimin e botuar në faqen zyrtare të saj, FFK ka bërë të ditur se krerët e FFK-së Fadil Vokrri dhe Eroll Salihu kanë pasur takim të frytshëm me përzgjedhësin e përfaqësueses turke Fatih Terim. 

Terim, ish trajner i Milanit dhe Fioretinës, ka shprehur gatishmëri dhe vullnet për një miqësore me Kosovën derisa data e ndeshjes pritet të jetë mes 20 dhe 23 majit të këtij viti. 

Për këtë miqësore ka mbetur të mirret vetëm edhe miratimi i krerëve të Federatës së Futbollit turk.