Thiago, ia ndërroi çasjen

Në një intervistë për faqen zyrtare të Barcelonës, Lionel Messi, ka bërë të ditur se i është ndërruar çasja për lojë prej se është bërë baba. 

“Nëse kemi humbur një ndeshje, ose kam gabuar diku gjatë lojës, unë nuk kam folur për 3-4 ditë me askë, derisa më ka kaluar nervoza. Tash, nëse e humbim ndeshjen, shkoj në shtëpi, e shoh djalin tim (Thiago) dhe gjithçka kalon. Ajo nervoza mbetet brenda diku, por fëmija ta ndërron çasjen,” është cituar të ketë thënë Lionel Messi për fcbarcelona.com. 

Pas ndeshjeve ku shënon hat-trick, Messi kërkon nënshkrim të të gjithë bashkëlojtarëve të tij dhe e merr topin në shtëpi. 

Ndërsa në këtë intervistë ka bërë të ditur se hat-tricku më i ëmbël është ai ndaj Real Madridit, 3-3. 

Lionel Messi është që nga mosha 13 vjeçare e Barcelonës dhe futbollisti në fjalë me arritjet e tij ka arritur të hyjë në histori të futbollit në përgjithësi.