Atletico - Real, shfaqja e shtatë e stinorit

Këndellja e Atletico Madridit me ardhjen e Diego Simeones në postin e trajnerit ka bërë La Ligan edhe më interesante për adhuruesit e futbollit jashtë Spanjës. 

E arritja në finale të Ligës së Kampionëve vjet si dhe titulli kampion, vërtetoi fuqinë e ekipit Rojiblanco, që është gjithmonë në hije të rivalit lokal - Real Madrid. 

Sidoqoftë, Real Madridi kishte mposhtur në finalen e vjetshme Atleticon, ndërsa sonte ata nisin njërën nga dy përballjet çerekfinale nëpër lagje madrilene për të siguruar biletën për gjysmëfinale. 

Kemi gjasa - Simeone

Atletico Madridi hyn në këtë ndeshje me 6 përballje të fundit pa humbje ndaj Real Madridit - që nga gushti i vitit të kaluar. 

“Nuk më interesojnë ndeshjet e kaluara, pasi që kjo do të jetë një ndeshje krejt ndryshe. Do të luhet me shumë më shumë intenzitet. Ata kanë talent individual më shumë se ne në disa pozita. Kërkoj nga tifozët tanë që të mos ndalen gjatë gjithë ndeshjes duke na përkrahur. Kemi gjasa,” ka thënë Diego Simeone në konferencën për shtyp para ndeshjes së sotme të ekipit. 

Duam trofeun e 11-të - Ancelotti

Real Madridit, Atleticoja i ka dalë dardhë me bisht në dy stinorët e fundit. Mirëpo, trofeu i Ligës së Kampionëve, qetësoi gjithçka te Los Blancos, derisa 6 takimet e këtij stinori pa asnjë fitore janë brengosëse. 

“Ndeshja është një kapitull i një stinorit. Duhet të gjykohemi në fund të stinorit. Çdo ndeshje ka problemet e veta. Çdo humbje nga Atletico këtë stinor ka qenë e ndryshme. Gjasat janë 50-50, ndërsa neve na duhet të luftojmë deri në minutën e fundit të ndeshjes. Duam trofeun e 11-të të Ligës së Kampionëve,” ka thënë trajneri i Real Madridit, Carlo Ancelotti, para ndeshjes së sontme. 

Derisa Atletico Madrid nuk ka pranuar gol në 5 ndeshjet e fundit, hiç këtë me Malagan, Real Madridi ka humbur tre ndeshje në 7 takimet e fundit në të gjitha garat. 

Formacionet e mundshme: