JOHAN CRUYFF
Tifozët mbledhin mjete për ndërtimin e bustit
19 October, 2018 @14:06
Tifozët e Ajaxit të Amsterdamit kanë mbledhur të holla për të ndërtuar bustin e legjendës së futbollit holandez, Johan Cruyff, që ndërroi jetë në vitin 2016 nga kanceri në mushkëri.
Shuma e mbledhur nga tifozëria është 75 mijë euro, ndërsa busti i Cruyffit do të vendoset para stadiumit të Ajaxit.
“Qëllimi është që brenda dy vitesh ta vendosim bustin para stadiumit për lojtarin më të mirë që ka pasur në histori Ajaxi dhe Holanda,” ka thënë iniciatori i projektit, Herjan Pullen.
