Asnjë fitore, rrezik nga Liga D, shkarkohet trajneri

Pas zhvillimit të katër ndeshjeve në kuadër të Ligës C të Kombeve, Federata e Futbollit të Sllovenisë ka marrë vendim që të shkarkojë trajnerin e reprezentacionit.

Tomaz Kavcic 64 vjeç është shkarkuar nga posti i tij sot, ndërsa në ndërkohë do të bëhet e ditur se kush do të jetë pasardhësi i tij.

TABELA AKTUALE dhe ORARI I NDESHJEVE

Sllovenia ka pasur start katastrofal në Ligë të Kombeve, ku nuk ka arritur ende të fitojë asnjë ndeshje në grupin e saj, me kundërshtar si: Bullgaria, Qiproja dhe Norvegjia.

Sllovenia është e fundit në Grupin 3 të Ligës C të Kombeve dhe nëse nuk arrin të këndellet në dy ndeshjet e fundit të nëntorit, atëherë do të bie në Ligën D të Kombeve.