Tjetër paraqitje fantastike, Malisheva mposhtë Llapin

Në ndeshjen e luajtur sot në “Fadil Vokrri”, Malisheva ka arritur që ta mposhtë me rezultat 0-3 (Torviol Stullqaku 57’ 59’, Yoan Marc-Olivier 90+4’) Llapin, për ta vazhduar kështu fillimin mjaft të mbarë të sezonit.

Pjesa e parë e ndeshjes u mbyll pa gola, e fitoren skuadra nga Kosova Qendrore e gjeti në pjesën e dytë.

TABELA AKTUALE

Pas një gabimi të portierit Marijan Coric të Llapit, topin në rrjetën kundërshtare në minutën e 57’ e çoi Torviol Stullqaku, sulmuesi i Malishevës. I njëjti lojtar shënoi një supergol 2 minuta më vonë, për t’ia dhënë skuadrës së tij epërsinë e dyfishtë.

E këtë epërsi të krijuar malishevasit e thelluan edhe më shumë në fund të takimit, kur Yoan Marc-Olivier shënoi për 0-3 në minutën e katërt shtesë dhe kështu e mbyllën takimin me triumf bindës.

Me këtë fitore, Malisheva ndodhet shumë pranë liderëve të renditjes, kurse Llapi momentalisht është në zonën e ftohtë.

Xhiron që vjen, Llapi i shkon Ballkanit, kurse Malisheva e pret Niklin.