FIFA RANKING TOP TEAMS
TOP 10shja pa Gjermaninë, vetëm Portugalia e Spanja ngriten
14 June, 2019 @11:55
Në TOP 10 të renditjes mujore të FIFAs të publikuar sot, katërshja kryesuese nuk ka ndërruar.
Belgjika mbetet lidere e botës edhe në qershor, e ndjekur nga kampionia e botës Franca, ish kampioni Brazili dhe gjysmëfinalisti i Ligës së Kombeve, Anglia.
Një TOP 10-she që ende nuk e ka Gjermaninë në gji të saj, është vështirë për tu mbajtur mend. Por, fitorja e fundit e pancerëve i ka afruar ata në pozitën e 11-të. Pra, ekipi i Joachim Lowit mbetet jashtë TOP 10-shes së botës ende.
Ngritje të vetme në TOP 10 kanë shënuar ekipet e ishullit iberik. Portugalia me fitoret e shënuara dhe titullin e parë në histori të Ligës së Kombeve është ngritur për dy pozita, duke kapur vendin e pestë në qershor.
Njëjtë, sikurse edhe Spanja që ka regjistruar fitore të rëndësishme në kuadër të kualifikimeve për EURO 2020, duke e mposhtur Suedinë dhe Ishujt Faroe me 7 gola të shënuara në dy ndeshje dhe vetëm një të pranuar.
