WEST HAM-TOTTENHAM
Tottenham fiton derbin e Londrës
20 October, 2018 @17:57
Një gol i vetëm i shënuar nga Erik Lamela ka mjaftuar të sjellë fitoren minimale të Spurs në udhëtim ndaj West Ham. Vendasit patën rastin të barazojnë në kohën shtesë kur Marko Arnautovic doli i vetëm përballë Lloris, por francezi priti gjuajtjen e cila përfundimisht vendosi fatin e ndeshjes.
Në ndeshjet tjera të pasdites në Premier League, me rezultat të njëjtë si mysafirë fitoi Brighton kundër Newcastle, e një gol më shumë në udhëtim shënoi Watford për fitoren 2-0 kundër Wolves. Kampionët aktual, Manchester City mposhtën Burnley me rezultat 5-0, e një gol më shumë u shënua në duelin e të porsa inkuadruarve në Premier League, Cardiff Cityt dhe Fulham, të cilin e fituan uellsianët me rezultat 4-2. Pa gola përfundoi ndeshja ndërmjet Bournemouth e Southampton.
