Transferi i vetëm i Fenerit për këtë verë

Ish futbollisti i kombëtares braziliane, Diego, ka arritur marrëveshje me kampionin e Turqisë, Fenerbahçe, ka bërë të ditur vetë kryetari i këtij klubi sot, Aziz Yildirim. 

Diego i cili me letra ka qenë lojtar i Wolfsburgut, derisa e kaloi si huazim gjysmëstinorin pranveror te kampioni i Spanjës, Atletico Madrid, do të prezentohet te Kanarinat e Stambollit në korrik. 

“Kemi arritur marrëveshje me Diego Ribas. Nuk kemi bërë zyrtarizim për shkak se procesi i nënshkrimit nuk ka përfunduar ende. Do të nënshkruajmë në korrik, kur ai do t’i bashkohet kampit të klubit. Ai do të jetë transferi i vetëm i yni këtë verë. S’do të nënshkruajmë me asnjë lojtar tjetër,” ka thënë kryetari Yildirim njofton Goal.com sot. 

Fenerbahçe, përkundër se është shpallë kampion i Turqisë, nuk pritet të dalë në Europë edhe këtë stinor - pasi që ka dënim 2 vjeçar mospjesëmarrjeje për shkak të skandalit të kurdisjes së ndeshjeve.