Trepça’89 ndal edhe liderin

Skuadra e Fahredin Durakut, Trepça’89, ka shënuar fitoren e katërt me radhë në Superligë. Forma e tyre e mirë e nisur në derbin lokal ndaj Trepçës, ka vazhduar ndaj Drenicës si mysafir dhe Prishtinës në Mitrovicë. 

E për të vërtetuar se janë ekip i fortë, mitrovicasit sot ia kanë ngushtuar stadiumin edhe liderit të Superligës, Llamkos Kosova. Ata kanë arritur që të mposhtin në Ferki Aliu të Vushtrrisë, liderin e Superligës të udhëhequr nga Ismet Munishi. 

Blerand Kurtishaj ka qenë golashënuesi i vetëm i ndeshjes që i ka dhënë tre pikë të arta Trepçës’89 - që është e 12-ta maksimale e arritur në 4 xhirot e fundit. 

Kështu mitrovicasit nga pozitat e rrezikuara ku ia nisën pjesën pranverore, kanë kërcyer në pozitën e pestë të tabelës pas përfundimit të kësaj xhiroje dhe me pak më shumë luftë do të mund të luftojnë edhe për titullin kampion! 

Rezultatet dhe tabela aktuale.