COUPE DE LA LIGUE
Trofeu i dytë për Parisin
23 April, 2016 @23:03
Pasi që e siguruan matematikisht titullin e Ligue 1 javë më parë, Parisi sonte e fitoi edhe trofeun e dytë për këtë sezon.
Skuadra e Laurent Blanc fitoi ndaj Lillet me rezultat 2-1 dhe kështu u shpall kampione e “Coupe De La Ligue”. Golat e fitores për parisienët u shënuan nga dyshja argjentinase Pastore dhe Di Maria, ndërsa golin e vetëm për Lillen e shënoi Sidibe.
Përveç dy trofeve tashmë të fituar, në muajin maj Parisi ka mundësi ta fitojë edhe kupën tjetër franceze, në finalen e së cilës luan ndaj Marseillet.
