GRUPI B
United befasohet në Holandë
15 September, 2015 @22:22
Trajneri i Manchester Unitedit, Louis van Gaal, ka përjetuar një natë të keqe në shtetin ku është lindur, pasi ekipi i tij është mposhtur nga PSV Eindhoven me rezultat 2-1.
Ish futbollisti i PSV-së, tani i Unitedit, Memphis Depay, realizoi golin e parë të ndeshjes duke heshtur kësaj radhe tifozët e pranishëm në stadium, por më pas golat e Hector Morenos dhe Narsinghut e ndryshuan atmosferën në tribuna.
Përveç ndeshjes së humbur, Manchester Unitedi në këtë ndeshje e humbi edhe futbollistin Luke Shaw, të cilit iu thye këmba pas një ndërhyrjeje nga futbollistët vendas.
Wolfsburg - CSKA 1-0
Njëra prej skuadrave më të përforcuar në Bundesligë, Wolfsburgu, ka filluar me sukses në Ligën e Kampionëve.
Ekipi gjerman ka shënuar fitore ndaj CSKA-së së Moskës me rezultat minimal 1-0, derisa goli i fitores erdhi nga talenti gjerman, Julian Draxler.
TABELA E GRUPIT B
| 1 | PSV | 3 pikë | ||
| 2 | Wolfsburg | 3 pikë | ||
| 3 | Manchester United | 0 pikë | ||
| 4 | CSKA Moscow | 0 pikë |
