BULLGARI
Vajushi sjell fitoren
27 August, 2013 @9:38
Mesfushori i ri shqiptar, Armando Vajushi, ka lënë gojëhapur bullgarët me golin e tij mjeshtëror në minutën e funditë të takimit.
Goli i Vajushit ka sjellë fitoren ekipit të tij Litex Lovech në ndeshje ndaj Lyubimetsit, pasi që rezultati deri në minutën e fundit të takimit ishte 1-1.
Vajushi 21 vjeçar, i cili erdhi tre stinorë më parë në elitën bullgare nga Vllaznia e Shkodrës po vazhdon me paraqitjet e mira të tij në Bullgari, ndërsa ky ka qenë goli i tij i dytë në gjashtë xhirot e para të kampionatit bullgar.
Ekipi i tij, Litex gjindet në vendin e dytë të tabelës me 14 pikë, një më pak se lideri Ludogorets.
