Mehmedi vs Shaqiri, sonte

Xhiroja e katërt e Bundesligës fillon më heret, pasi që ndeshja e parë e kësaj jave është paracaktuar të luhet sonte. 

Bayern Munchen udhëton për në stadiumin Mage Solar të Freiburgut për ndeshjen e vlefshme për xhiron e katërt, pasi që të premten takohet me Chelsean në luftë për Superkupën europiane. 

Bayern deri më tani nga tre xhirot e para ka nxjerrë maksimumin, duke fituar nëntë pikë dhe të njejtën padyshim do ta kërkojë edhe ndaj Freiburgut. 

Vendasit, me barazimin e nxjerrë në xhiron e fundit ndaj Hoffenheimit, kanë treguar se mund të befasojnë. Sulmuesi i tyre, Admir Mehmedi, që është i treti shqiptar në Bundesligë që luan këtë stinor, do të përballet me Xherdan Shaqirin e krahut tjetër. 

Bayern është favorit absolut, derisa bastoret botërore i japin kuotën 1.25 për fitore si mysafir, e Freiburgut 10.00 si vendas. 

Ndeshjet tjera të xhiros së katërt vazhdojnë normalisht të shtunën që vjen. 

BUNDESLIGA, Sonte