Man Utd - Chelsea, sonte

Super derbi anglez, Manchester United - Chelsea është në program sonte prej orës 21:00 dhe është ajka e kësaj xhiroje si në Angli ashtu edhe në Europë. 

Chelsea që ka zhvilluar një takim më shumë, të dyja fitore, për herë të parë do të ketë këtë stinor një test të vërtetë dhe atë ndër më të vështirin. E njejta gjë e pret edhe Manchester Unitedin. 

Ky do të jetë dueli i parë i dy skuadrave që sivjet garojnë me trajnerë të rinj. David Moyes përballë Jose Mourinhos. Robin Van Persie dhe Danny Welbeck janë treguar të jashtëzakonshëm në ndeshjen e parë për Manchester Unitedin, derisa Chelsea me lojën e treguar në dy ndeshjet e para ka treguar se rreziku mund të vjen nga çdo anë, edhe nëse nuk janë në formë. 

Bastoret favorizojnë Manchester Unitedin duke i ofruar 2.50 për fitore, derisa Chelsea ka kuotë 3.20 për fitore. Derisa edhe në 11-shet e para nuk pritet ndonjë ndërrim drastik, Manchester United pritet të nis pa Wayne Rooney, derisa londinezët ngjajshëm si dy ndeshjet e para. 

Manchester United nuk ka arritur të mposht Chelsean në katër ndeshjet e fundit zyrtare në të gjitha garat, prej të cilave tre i ka fituar Chelsea dhe një ka përfunduar me barazim. Fitorja e fundit e djajve të kuq është regjistruar më 28 tetor 2012, kur United mposht Chelsean në Stamford Bridge 2-3 në kuadër të Premier League. 

SERIE A: Fiorenita-Catania

Debutimi i ish sulmuesit të Bayern Munchenit, Mario Gomez në Serie A si dhe kthimi nga lëndimi i gjatë i Giuseppe Rossit, pritet ta çojë Fiorentinën një nivel më lartë në lojën e saj. Ekipi i Vincenzo Montellas që në stinorin e kaluar për pak dështoi të gjejë rrugën për në Ligë të Kampionëve, ia fillon sonte Serie A-së në përballje me Catanian në Artemio Franchi. 

LA LIGA: Granada-Real Madrid

Në anën tjetër, Real Madrid që po e pret ardhjen e Gareth Bale, sonte luan në Granada ndaj ekipit me të njejtin emër. Madrilenët janë favorit absolut dhe çdo rezultat tjetër përveç fitores, do të ishte dështim për Carlo Ancelottin.