Asnjë ekip me pikë maksimale

Trepça 89 dhe Besa me nga katër pikë janë skuadrat me pikë maksimale pas dy xhirove të para të Superligës së Kosovës në futboll. Pra, siç mund të kuptohet cilësia e skuadrave kosovare është aq e përafërt me njëra tjetër dhe brenda dy xhirove tashmë nuk ka skuadër me pikë maksimale sa do të duhej të ishin, gjashtë. 

Përveç kësaj edhe fitoret si vendas janë ‘prioritet’ për shumë skuadra që cilësohen si mesatare dhe që në fund do të mund të shpëtojnë veten në Superligë veçse po vjelin pikët e para. 

Sa i përket skuadrave që nuk humbin aty janë katër sosh: Trepça 89, Besa, Llamkos Kosova dhe Drita. Prej këtyre mund të thuhet që më e suksesshmja është Llamkos Kosova e Vushtrrisë pasi që ata dy ndeshjet e para i kanë luajtur si mysafir. 

Fitore, në dy xhirot e para nuk kanë shijuar Drita, Llamkos Kosova e Vushtrisë, Fushë Kosova dhe Trepça. Derisa, prej skuadrave që nuk kanë shënuar ende gol në stinorin e ri janë gjithashtu: Trepça dhe Llamkos Kosova. 

Trepça 89 dhe Hajvalia në anën tjetër janë skuadrat me mesatare dy gola për ndeshje, që përveç tjerash tregon edhe forcën e sulmit të këtyre skuadrave, kur dihet se të dyja ekipet kanë sulmues me emër në ekip. 

Në fundjavën që vjen luhet superderbi i viteve të fundit, Prishtina-Trepça 89, ku takohen dy herë kampioni me dy herë nënkampionin e Kosovës, derisa gjithashtu pritet të jetë interesante përballja Drita-Ferizaj.