Varane kalon nga “Nike” në “Puma”

Mbrojtësi i Real Madridit kishte luajtur me atletet e Nike, por ai tashmë ka kaluar në Puma.

Varane ka konfirmuar përmes rrjeteve të tij sociale se ai zyrtarisht nuk është i pajisur më nga Nike dhe shkon në Puma.

Brendi sportiv e ka mirëpritur atë, ndërsa mbrojtësi ka qenë “jashtëzakonisht i lumtur që u bashkua me familjen Puma”, përpara se të shtonte se “gjëra të mëdha ende nuk kanë ardhur”.

Ai ka konfirmuar se do të luajë me modelin ‘PUMA ULTRA’. Shifra e kësaj marrëveshjeje nuk është bërë e ditur, por AS-i spanjoll ka bërë të ditur se nuk është afër kontratës së Neymarit, që gjithashtu vesh “Puma” dhe ka kontratë vjetore 25-milionëshe.