TITULLI
Foto: Premier League Official
Vardy zhgënjen skuadrën, ndalet Leicesteri
17 April, 2016 @16:31
E shënoi golin e epërsisë në pjesën e parë, mirëpo në pjesën e dytë e la në baltë skuadrën e tij, duke u përjashtuar me karton të kuq. Bëhet fjalë për Jamie Vardyn, i cili e la me 10 lojtarë Leicester Cityn dhe kjo i kushtoi skuadrës së tij.
Pas largimit të Jamie Vardyt, skuadra e West Hamit arriti të merrte dominimin dhe të shënonte dy herë. Fillimisht ata barazuan përmes Andy Carroll nga një penallti tejet e dyshimtë kurse epërsinë e solli mbrojtësi Cresswell me një goditje fantastike.
Kur u mendua se ndeshja do të mbyllej me fitoren e mysafirëve, vendasit fituan një penallti, të cilën e konkretizoi me sukses sulmuesi Ulloa dhe ndeshja u mbyll me barazim.
Me 4 ndeshje të mbetura, Leicesteri mbetet favorit për titull, mirëpo tash kujdesi në ndeshjet e mbetura duhet të shtohet!
Leicester City 2-2 West Ham United All Goals… by ak-productions
