TRANSFER
Vëllaznimi zyrtarizon mesfushorin e ri
21 January, 2021 @12:19
Menjëherë pas konsolidimit të kryesisë së re dhe shtabit teknik të ri, skuadra e Vëllaznimit ka filluar ta forcojë edhe përbërjen e saj me anë të transferimeve të reja.
Gjakovarët sot kanë zyrtarizuar përforcimin e ri duke nënshkruar me mesfushorin Granit Avdyli.
Avdyli së fundi ka luajtur për Onix-in, ndërsa gjithashtu ka veshur fanellat edhe të skuadrave si Dukagjini dhe Besa.
Ky është përforcimi i dytë i Vëllaznimit, pas Uran Shalës që ishte transferuar më parë.
Vëllaznimi aktualisht gjendet në pozitë të vështirë, pasi që renditet në pozitën e tetë në grupin A të Ligës së Parë.
