Veseli: Kundërshtarët e fortë, por e nisim me pozitivitet

Para ndeshjeve të Kombëtares Shqiptare me Spanjën dhe Italinë, në konferencë për shtyp u paraqit Frederik Veseli.

“I kemi dy kundërshtarë shumë të fortë. Do ta japim maksimumin, duke e provuar ta shfaqim lojën tonë dhe do të shohim se çfarë do të ndodhë. Spanja dhe Italia janë dy prej skuadrave më të fota në Botë, prandaj presioni është tek ata. Ne do të provojmë të fitojmë, por e dijmë që është e vështirë. Nuk e fillojmë ndeshjen me mendim negativ, por provojmë për më të mirën.

Kemi kualitetet tona dhe në futboll mund të ndodhë gjithçka. Spanja nuk ishte superiore ndaj nesh kur luajëm në Shqipëri, pasi që në atë takim ne u ndëshkuam nga gabimet tona.” - u shpreh Veseli në konferencë.

I pyetur se nëse skuadra kishte më tepër gjallëri dhe ishte më e bashkuar kur Cana ishte në skuadër, Veseli shtoi:

“Jemi skuadër, jemi të gjithë shqiptarë pa dallime mes rajoneve. Prezenca e Canës padyshim që mungon, por ne jemi përsëri një skuadër e bashkuar.”