BAY ARENA
Villareali nuk lejon befasi
17 March, 2016 @20:49
Fitorja me rezultat 2-0 në ndeshjen e parë, i mundësoi Villarealit që të udhëtonte me një avantazh të konsiderueshëm në Gjermani. Përkundër dominimit të Leverkusenit në posedim e në raste për shënim, spanjollët e Marcelinos arritën ta menaxhonin mirë ndeshjen, e cila u mbyll pa gola, rezultat i cili i mundëson spanjollëve kalimin në çerekfinale.
Ky kualifikim i Villarealit jep shenja të qarta të dominimit të skuadrave spanjolle në Evropë në vitet e fundit, duke marrë parasysh që tashmë janë kualifikuar 3 skuadra spanjolle në çerekfinale të Champions League e në anën tjetër mund të kemi edhe 3 spanjolle në çerekfinale të Europa League.
