AMIR RRAHMANI
Vjen akordi, Rrahmani në Serie A
22 June, 2019 @15:38
Para pak çastesh, Sky Sport Italia ka bërë të ditur se skuadra e rikthyer në Serie A, Verona, ka arritur marrëveshje me Dinamon e Zagrebit për transferimin e qendërmbrojtësit dhe kapitenit të fundit të reprezentacionit të Kosovës, Amir Rrahmani.
Sipas kësaj, kalimi i Rrahmanit 25 vjeç në radhët e ekipit të Veronës do t’i kushtojë këtyre 2.1 milionë euro dëmshpërblim. Me këtë ofertë të veronezëve, duket se Celtic dhe Standard Liege janë dorëzuar në garë për qendërmbrojtësin Rrahmani.
Sipas raportit të njëjtë, Rrahmani pritet të kryejë testet mjekësore te ekipi i tij i ri të martën e ardhshme.
Ndërkaq, Rrahmani aktualisht gjindet për pushime verore në Greqi.