MONCHENGLADBACH - BAYERN

Vjen humbja e parë për Heynckesin
25 November, 2017 @20:45
Pas rikthimit të tij te Bayerni, sot Jupp Heynckes e ka pësuar humbjen e parë me skuadrën e tij.
Bayerni, që momentalisht po vuan shumë nga lëndimet, u mposht nga Gladbachi me rezultat 2-1, në një takim mjaft atraktiv dhe me plot raste për shënim.
Vendasit dy golat i shënuan në pjesën e parë, ndërsa e tëra çfarë bëri Bayerni ishte ngushtimi i epërsisë përmes golit të Vidalit, mirëpo kjo nuk mjaftoi dhe ndeshja u mbyll me humbje.
Përkundër humbjes, Bayerni mbetet në krye, ndërsa Gladbachin kjo fitore e ngrit në vendin e katërt në klasifikim.