Vjosa mposht Dardanët, lufta për Ligë të Parë vazhdon

Skuadra e Vjosës së Shtimes ka arritur që të shënojë fitore të pritur, por edhe bindëse sot ndaj skuadrës së Dardanëve nga Gjakova, në kuadër të xhiros së XXV të Ligës së Dytë të Kosovës në futboll.

Pas pjesës së parë që përfundoi 3-0 në të mirë të vendasve, në pjesë të dytë ekipi i drejtuar nga trajneri Erdin Hashani ka arritur që të shënojë edhe njëherë për përfundimtaren 4-0.

Me këtë fitore Vjosa mban gjallë shpresat për Ligë të Parë, kur kanë mbetur edhe 5 xhiro deri në fund të stinorit në Ligë të Dytë.

Dardanët në anën tjetër janë të rrezikuar për rënie në Ligë të Tretë dhe kanë vetëm 19 pikë nga 25 duelet e zhvilluara deri tash dhe në 5 xhirot e fundit duhen luftuar shumë për të arritur mbijetesën.