PORTIERI
Vorm në Tottenham
23 July, 2014 @10:32
Michel Vorm, portieri që bëri emër te Swansea City, prej ku siguroi edhe një vend në përfaqësuesen holandeze, është lojtar i ri i Tottenhamit.
”Çdo ekip i madh ka dy portierë të mëdhenjë,” ka thënë Vorm për holandezen De Telegraaf sot, duke folur për konkurrencën e fortë në portën e të bardhëve nga Londra.
Portieri numër një i Tottenhamit është françezi Hugo Lloris, i cili është njëri ndër portierët më të mirë në botë, derisa Vorm beson se ai do të fitojë rastin për tu treguar aty, pasi që Tottenham është ekip që merr pjesë në shumë gara.
Vorm është larguar nga Swansea, pasi që këta të fundit kanë transferuar Lukasz Fabianskin nga Arsenali.
