Wenger ka pasur të drejtë

Sulmuesi 29 vjeçar i Holandës, që erdhi nga Arsenali në Manchester United në fillim të këtij stinori, nga trajneri aktual i tij, Sir Alex Ferguson u vlerësua si njëri ndër sulmuesit më të mirë që ka pasur. 

“Ai ka ndikuar aq shumë në lojën tonë,” ka thënë Ferguson pas fitores së mbrëmshme që ua solli titullin. 

“Eric Cantona ka qenë lojtar me ndikim të jashtëzakonshëm. Robin ka qenë i pabesueshëm. Forma e tij në fillim të stinorit ka qenë fantastike. Kishte një kohë thatësie, por ai u kthye,” komentonte Ferguson, njofton The Sun. 

“Ai ka qenë senzacional edhe në stinorin e kaluar, mirëpo pasi që realizuam transferin, Arsene Wenger (ish trajner i tij te Arsenali v.j.) më tha që ai është shumë më i mirë sesa që po mendoja - dhe kishte të drejtë.” ka përfunduar Fergie, i cili arriti të fitonte trofeun e 48 të tij si trajner në përgjithësi.