MEDIA TALK
Xabi Alonso drejt Bundesligës?!
22 March, 2021 @15:40
Ish-mesfushori i disa skuadrave të rëndësishme evropiane dhe fituesi i titujve më të mëdhenj në futboll, Xabi Alonso, pritet t’ia nis karrierës si trajner në Bundesligë. Borozani.com
Sipas informatave që ka plasuar njohësi i futbollit spanjoll, Guillem Balague, Borussia Monchengladbach i ka ofruar punë Alonsos 39-vjeçar.
Kjo ofertë e ish-ekipit të Granit Xhakës i vjen Alonsos, pasi që trajneri i tyre aktual, Marco Rose, veçse ka nënshkuar me Borussia Dortmundin për të drejtuar këtë skuadër nga vera e këtij viti.
Përndryshe, Alonso është duke drejtuar ekipin e dytë të Real Sociedadit në Spanjë, ndërsa kjo do të jetë aventura e parë e tij si trajner i një ekipi të rëndësishëm nga ligat e forta evropiane.
Mirëpo, Balague ka shtuar gjithashtu në njoftim se Xabi Alonso nuk është duke u ngutur për të bërë hap të madh në karrierën e tij si trajner - që edhe mund të refuzojë ofertën e Borussia Monchengladbachut.
