Xhemajli shënon në fitoren e Napolit

Me dy shqiptarët në fushë nga minuta e parë, Napoli ka shënuar fitoren e tretë me radhë në të gjitha garat. Blerim Xhemajli dhe Lorenzo Insigne kanë shënuar nga një gol në çdo pjesë për të regjistruar fitoren e radhës për napolitanët, të cilët po vazhdojnë luftën për Ligë të Kampionëve dhe më lartë. 

Mirëpo, njeriu i ndeshjes ka qenë sllovaku Marek Hamsik, i cili ka qenë protagonist kryesor me dy asistime në të dy golat e ekipit të udhëhequr nga Rafael Benitez. 

Xhemajli e Behrami, në formacionin bazë

Përveç Xhemajlit, edhe Valon Behrami që u rikthye nga lëndimi javë më parë, ka qenë në fushë që nga minuta e parë e ndeshjes, derisa u zëvendësua 5 minuta para përfundimit të takimit nga kroati, Josip Radosevic. 

Napoli me këtë fitore i është afruar Romës në vend të dytë në një pikë, derisa këta të fundit për momentin kanë 2 ndeshje më pak. 

Rezultatet dhe tabela aktuale.