Zanetti 6 muaj jashtë

Numri i madh i lëndimeve që e përshkoi Interin këtë stinor nuk ka të ndalur. Kështu listës së gjatë të lëndimeve ku bën pjesë gati i tërë ekipi i parë i neroazzurrëve, i është shtuar edhe veterani argjentinas, Javier Zanetti. 

Zanetti 39 vjeçar i lëndua në ndeshjen që Inter humbi ndaj Palermos dhe portali sportiv, Football Italia, ka njoftuar se ai do të hyjë nën operacion që nesër, ndërsa pritet të mungojë deri në gjashtë muaj. 

Diego Milito, Rodrigo Palacio, Antonio Cassano, Dejan Stankovic dhe shumë të tjerë, janë duke vuajtur lëndimet që kanë lënë Interin të përjetojë krizë të vërtetë këtë stinor.