Zeneli asiston, ia mohon kreun Ajaxit

Në një nga ndeshjet më dramatike të sezonit në Eredivisie, Arbër Zeneli e ndihmoi skuadrën e tij që të largohet me pikë nga Amsterdami.

Ajaxi dhe Heerenveeni zhvilluan një ndeshje fantastike për futbolldashësit, ndeshje e cila dhuroi plot 8 gola, ndërsa asistues për golin e barazimit 4-4 të skuadrës së Heerenveenit ishte Arbër Zeneli.

Zeneli asistoi te Kik Pierie, një lojtar i ri mjaft premtues, i cili e barazoi rezultatin në 4-4 dhe ia mohoi Ajaxit marrjen e kreut të klasifikimit, me PSV-në që gjithashtu barazoi 2-2 në ndeshjen e vet këtë xhiro.

Pas 18 xhirove në Holandë, PSV prin me 49 pikë, kurse Ajaxi ka 2 më pak. Heerenveeni i Zenelit ndodhet në vendin e dhjetë me 21 pikë të tubuara gjithsej.