MONACO-DIJON
Zëvendësuesi Falcao kthen Monacon në kryesim të pastër
16 April, 2017 @0:05
Monaco ka qenë pranë befasisë kur ekipi që po lufton për mbijetesë në Ligue 1, Dijon, kishte shënuar në pjesë të parë dhe dukej se po bënte gjithçka për të shkëputur pikë në Louis II.
Por, lufta e madhe e ekipit që po kërkon titullin dhe atij që po lufton për mbijetesë në fund i takoi këtyre të parëve.
Ka qenë Nabil Dirar që barazoi për Monacon, derisa kolumbiani Radamel Falcao që u fut në ndeshje në minutën e 60, shënoi golin që ndërroi fatin e Dijonit, për fitoren e Monacos 2-1. Falcao goditi portën e mysafirëve me një ‘torpedo’ nga gjuajtja e lirë.
Monaco pas kësaj fitoreje ka 3 pikë më shumë se Paris St Germain, që është edhe kampion aktual i Francës.
Ndërkaq Dijon, mbijetesën duhet ta kërkojë në ndeshjet tjera të mbetura të elitës së futbollit francez.
Falcao SUPER Goal HD - Monaco 2-1 Dijon 15.04.2017 by Goals_online
