SIMEONE SIGURON TALENTIN
Zëvendësuesi i Diego Costas te Atletico
28 May, 2014 @20:31
Kampionja e re e Spanjës dhe finalistja e Ligës së Kampionëve, Atletico Madrid, ka konfirmuar orë më parë se ka kompletuar marrëveshjen me sulmuesin e talentuar argjentinas, Angel Correa.
Talenti 19 vjeçar që luan për San Lorenzon ka kaluar te kampionja e Spanjës për një shumë prej 7.5 milionë eurove. Ai shihet si talent i madh në vendin e tij dhe kjo nuk i ka ikur nga syri trajnerit argjentinas të Rojiblancove, Diego Simeone, që ka siguruar shpejtë-e-shpejtë nënshkrimin e djaloshit.
Spanjollja Marca ka raportuar se Simeone do ta huazojë atë në ndonjë klub tjetër për të fituar përvojë, në rast se arrin të gjejë ndonjë sulmues më me përvojë gjatë verës. Gjithashtu, ai nuk mund t’i bashkohet Atleticos menjëherë, derisa San Lorenzo të përfundojë garimin në Copa Libertadores.
Correa ka shënuar 6 gola për San Lorenzon këtë stinor në kampionatin argjentinas, derisa ka qenë pjesë e formacionit bazë në plotë 32 ndeshje përkundër moshës së re.
