Zyrtarizohet Rami në Milan

Qendërmbrojtësi i përfaqësueses françeze, Adil Rami, ka kaluar testet mjekësore javën e kaluar dhe ka filluar stërvitjet në Milanello. 

Ndërsa Valencia ka lëshuar një kominikatë mbrëmë ku ka zyrtarizuar marrëveshjen mes dy klubeve. 

“Valencia dhe Milan kanë rënë dakord për transferimin e Adil Ramisë në afatin kalimtar dimëror. Rami pret datën për të luajtur me ekipin e tij të ri, derisa Valencia i ka dhënë leje që të stërvitet që tash me Milanin,” shkruan në komunikatë. 

Milan ka huazuar qendërmbrojtësin françez 27 vjeçar, ndërsa raportet nga mediat e afërta me këto dy klube thonë se rossonerët do të paguajnë 7.5 milionë euro për transferimin e tij në fund të këtij stinori.