11-shja më e kërkuar në Google
1 July, 2014 @12:45
‘Motori kërkues’ në internet, Google, ka paraqituar 11 futbollistët më të kërkuar në këtë web faqe gjatë Kampionatit Botëror.
Sipas kësaj kompanie, në gardiani më i kërkuar i Botërorit është portieri meksikan, Guillermo Ochoa, ndërsa para tij renditen Gerard Pique i Spanjës, David Luiz i Brazilit, Marcos Rojo i Argjentinës dhe Atsuto Uchida i Japonisë.
Mesfushorët më të kërkuar në Google janë Bastian Schweinsteiger, Andrea Pirlo, Arjen Robben dhe Neymar, kurse në sulm janë dy futbollistët më të shtrenjtë në botë, Cristiano Ronaldo dhe Lionel Messi.
Në konkurrencën e trajnerëve, më i kërkuar u bë përzgjedhësi gjerman i Shteteve të Bashkuara të Amerikës, Jurgen Klinsmann.
