15 vite me Xavin

Xavi Hernandez, mesfushori i Barcelonës, sot festoi 15 vjetorin e debutimit të tij me klubin katalonas. Xavi tash 33 vjeçar kishte hyrë në ndeshjen e parë të tij me blaugranat nën urdhërat e trajnerit holandez, Louis Van Gaal, ku edhe kishte shënuar gol në debutimin e tij. 

Mbrëmë ai gjithashtu shënoi gol, në fitoren e Barcelonës ndaj Levantes në nismë të stinorit 2013/14. Xavi është njëri ndër futbollistët e rallë në botën e këtij sporti që ka arritur të fitojë gjithçka që mundet një lojtar si në gara ekipore ashtu edhe me kombëtare. 

Xavi mbrëmë ka zhvilluar ndeshjen e 677-të të tij me Barcelonën.