Më i miri në botë!

Pas fitores së Manchester United ndaj Swansea si mysafir të shtunën, 1-4, ku golashënuesi më i mirë i stinorit të kaluar në Premier League, Robin Van Persie shënoi dy gola, sulmuesi i ekipit kundërshtar e ka cilësuar atë si ‘më të mirin në botë’. 

“Ai kishte dy raste dhe shënoi dy gola. Për mua, sinqerisht, ai është më i miri në botë. Ai nuk kishte asnjë rast të pastër dhe është thjesht e pakapshme se si arriti të shënojë dy gola. Nuk e di sa gola do t’i shënojë këtë stinor, por edhe njëqind ose njëmijë të thuash nuk çuditem! Një gjë është e sigurtë, ai do të shënojë shumë gola,” ka thënë spanjolli Michu, për Van Persien, njoftojnë sot mediat angleze. 

Swansea që debutoi stinorin e kaluar në Premier League, për herë të parë do të paraqitet në gara europiane këtë javë, ku ndeshet me Petrolul Pitestin në Play-Off të Europa League.