MADRID
REUTERS
Isco shpëton Realin
18 August, 2013 @22:56
I transferuari nga Malaga, Isco, ka treguar cilësitë e tij që në ndeshjen e parë të La Ligas me Real Madridin, pasi që ka kontribuuar direkt në fitoren e madrilenëve.
Real Madrid ka arritur të mposht Real Betisin me shumë vështirësi dhe atë me golin e Iscos, tre minuta pa përfunduar takimi.
Isco ka qenë njeriu që ka asistuar edhe në golin e barazimit të Real Madridit, të cilën e shënoi Karim Benzema. Më parë, ekipi nga Sevilla kishte kaluar në epërsi në saje të golit të Jorge Molinas.
Kështu, madrilenët e udhëhequr nga Carlo Ancelotti kanë arritur të dalin faqebardhë nga takimi i parë i tyre në La Liga.
