JUVE
REUTERS
Superkupa, pa problem
18 August, 2013 @23:09
Juventus i Antonio Contes është treguar superior karshi Lazios së Vladimir Petkovicit sonte. Zonja e Vjetër nga Torino ka mposhtur Lazion 4-0 në finalen e Superkupës italiane, ku tre prej golave të bianconerëve erdhën për katër minuta 52-56!
Goli i parë i juventinëve ka ardhur nga françezi Paul Pogba në pjesën e parë, ndërkaq tre të tjerë janë shënuar shpejtë nga Giorgio Chiellini, Stephan Lichtsteiner dhe Caros Tevez për të lënë me gishta në gojë Lazion.
Kosovari Lorik Cana nuk është paraqitur për asnjë minutë në ndeshje duke qëndruar për 90 minuta në bankën rezervë të ekipit të tij, Lazio.
