Ende pa fitore

Paris St Germain nuk ka arritur të fitojë edhe pas dy xhirove të zhvilluara të Ligue 1 në Francë. Ata kanë barazuar sonte ndaj ekipit modest të Ajaccios 1-1. 

Një gol i shënuar nga Benoit Pedretti në fillim të takimit u ka dalë ‘bisht me mëngë’ parisienëve. Ekipi i udhëhequr nga ish sulmuesi i Juventusit, Fabrizio Ravanelli, ka arritur t’i bëj ballë ekipit të Laurent Blanc deri në minutën e 86-të të ndeshjes kur më në fund doli në skenë uruguajani Edinson Cavani për të barazuar rezultatin 1-1, që doli të ishte edhe rezultati përfundimtar i ndeshjes. 

Laurent Blanc ka startuar me dyshen Zlatan Ibrahimovic - Edinson Cavani, ndërsa ndërrimet i ka bërë sonte në mesfushë, prej të cilëve i qëlluar ka dalë të jetë talenti Hervin Ongenda - që u bë njeriu që asistoi për Cavanin, drejt golit të tij të parë për Paris St Germainin këtë stinor.