Përsëri refuzohet Man Utd

Prej momentin që David Moyes kaloi nga Evertoni në Manchester United, përflitej se trajneri skocez do t’i merr me vete dyshen Marouane Fellaini dhe Leighton Baines. 

Manchester United së fundi ofertoi me 28 milionë funta për dyshen Fellaini-Baines, mirëpo Everton përsëri ka refuzuar atë, njofton sot Liverpool Echo. 

Kjo gazetë thotë se drejtuesit e Evertonit janë të zhgënjyer shumë nga ata të Manchesterit për shkak të ofertës së ulët për dyshen. Ata konsiderojnë se vetëm Fellaini vlen afro 25 milionë funta, ndërsa afër asaj edhe mbrojtësi anglez. 

Manchester United ka filluar mrekullueshëm stinorin duke e mposhtur Swansean si mysafir 1-4, ndërsa Everton ka barazuar si mysafir ndaj Norwich City 2-2.