Parker kalon në Fulham

Mesfushori me përvojë Scott Parker është futbollisti më i ri i Fulhamit. Parker ka ndërruar klubin, por jo edhe qytetin, pasi që do të qëndrojë përsëri në Londër. 

Trajneri i Fulhamit, ku luan edhe Pajtim Kasami, Martin Jol, është shprehur tejet i kënaqur me ardhjen e mesfushorit të përfaqësueses angleze Parker, i cili më parë ka luajtur edhe për West Ham United. 

Përkundër se skuadrat nuk kanë bërë të ditura shumën e transferimit, mediat angleze raportojnë për 3 milionë funta të paguara nga Fulham në arkë të Tottenhamit, derisa 32 vjeçari ka nënshkruar kontratë tre vjeçare me klubin e tij të ri.