SHPËRBLIMI
200’000€ premi për Kukësin
3 August, 2013 @14:18
Pas historisë së bërë në Qemal Stafa të enjten mbrëma Kukësi me ankth pret ndeshjen e kthimit të Europa League ndaj Metalurh Donetsk në Ukrainë, javën që vjen.
Fitorja 2-0 e arritur si vendas jep shpresa të mëdha për të gjithë në taborin bardhë-e-kaltër, ndërsa kryetari i klubit, Safet Gjici, u ka premtuar futbollistëve premi prej 200 mijë eurosh në rast kualifikimi në Play-Off të Europa League.
Futbollistët e Kukësit kanë marrë për eliminimin e Sarajevës 100 mijë euro premi, ndërsa këto para i janë shpërndarë futbollistëve menjëherë pas ndeshjes bëjnë të ditur mediat sportive shqiptare. Për Kukësin luajnë edhe dy kosovarë, Yll Hoxha dhe Besar Musolli.